Aðildarviðræður eða aðlögunarferli? Morgunfundur um ESB - 18. nóv

Hvað þýðir hugsanleg aðild Íslands að Evrópusambandinu? Framsal auðlinda eða loforð um lága verðbólgu? Er aðild ávísun á fullveldisframsal eða aukin áhrif okkar á ákvarðanatöku?

Millilandaráðin og Viðskiptaráð Íslands standa fyrir morgunfundi um stöðuna á samningaviðræðum Íslands við ESB föstudaginn 18. nóvember næstkomandi. Stefán Haukur Jóhannesson aðalsamningamaður Íslands í samningaviðræðum við ESB og Kolbeinn Árnasonformaður samninghópsins um sjávarútvegsmál munu fara yfir stöðuna nú þegar viðræður við ESB eru hafnar. 

Vinna við samning um sjávarútvegsmál hefst eftir áramót og vafalaust margir áhugasamir um kynningu á þeim þætti. Hvetjum við alla til að skrá sig sem fyrst þar sem pláss er takmarkað. Fundurinn verður haldinn í Húsi verslunarinnar – hæð 0, gengið inn norðamegin, kl. 8.15 - 9.45, húsið opnar kl 8.

Enginn aðgangseyrir - boðið verður upp á kaffi og ávexti. Áhugasamir eru vinsamlega beðnir um að skrá sig á netfanginu:kristin@chamber.is

Fyrir hönd allra ráða - Með kveðju, Kristín S. Hjálmtýsdóttir